Të nderuar përfaqësues të mediave

Të nderuar qytetarë,

Ne të rinjtë e Lëvizjes BESA jemi mbledhur sot këtu para kësaj Qeverie për të përkujtuar kryeministrin e vendit Zoran Zaev se qeveria që ai udhëheq po bëhet shkak i largimit të rinisë jashtë vendit. Politikat e gabuara dhe shuarrja e shpresës të qytetarëve po dëshmohen për çdo ditë. Të gjithë pritën se kryeministri u vetdijsua nga rezultati i rrethit të parë të zgjedhjeve presidenciale dhe përmes paralajmërimit për të ashtuquajturën “fshesën” e famshme, gjithë menduan se me të vërtet do fillojnë ndryshimet dhe reformat. Mirëpo për fat të keq, pas këtij rekonstuimi kozmetik, ku po bëhet reciklimi i kuadrove të dështuara, duke i shpërblyer me poste ministrash ata politikanë që dështuan plotësisht në dikasteret e tyre, përfundimisht vërtetohet për të satën herë se kjo qeveri duhet sa më shpejt të bjerë dhe të mos marrë në qafë qytetarët e Maqedonisë së Veriut.