Page 10 - Programa Tearce.cdr

VOTO Tearcën

OBJEKTIVAT SPECIFIKE STRATEGJIKE

- Komunë e udhëhequr nga qytetari dhe nga llogaridhënia

Parimi bazë i vetëqeverisjes lokale është komuna e udhëhequr nga
qytetarët. Duke u nisur nga ky parim, Lëvizja BESA ofron një model të ri të
udhëheqjes së qytetarit, ku roli i tij, pavarësisht nga organet e zgjedhura, në asnjë

çast nuk do ta humbasë funksionin vetëqeverisës.
Lëvizja BESA, do ta avancojë këtë kompleks të drejtash në raport me njësitë
e vetëqeverisjes lokale, duke krijuar pozitë të fuqishme vendimmarrëse të qytetarit.

Në këtë vijë, vëmë në dukje se institucioni i referendumit do të jetë një mekanizëm
parësor ku qytetari do të vendosë për çështjet më të rëndësishme të komunës.

Vendimarrja ekskluzive nga organet e zgjedhura, si kryetari i komunës apo
këshillat komunale, në të kaluarën kanë treguar se në shumë raste interesi i qytetarit
është shpërfillur, duke u mbrojtur interesa partiake, grupore, ekonomike apo edhe të

natyrave të tjera. Pikërisht për këtë, vlerësojmë se fuqizimi i rolit të qytetarit në
raport me organet e vetëqeverisjes lokale, e sidomos roli i tij vendimmarrës do të
paraqesë një ngritje jo vetëm të efikasitetit të funksionimit të vetëqeverisjes lokale,
por edhe ngritje dhe avancim të demokracisë qytetare.

www.levizjabesa.mk