Page 4 - Programi 2017-2021

Përveç kësaj, ne kemi përcaktuar edhe objektivat që reflektojnë
nevojat zhvillimore të Tetovës. Prioritet është ndryshimi i qasjes
dhe i praktikave të administrimit në arsimin parauniversitar,
më saktë rikthimi i cilësisë në shkollat e Tetovës. Këtë do ta
bëjmë duke vlerësuar e respektuar kontributin dhe dinjitetin
e mësimdhënësve, ofrimit të përkrahjes për ta, e në mënyrë të
veçantë duke e depolitizuar përzgjedhjen e mësimdhënësve
dhe stafin drejtues e administrativ të shkollave. Ne vlerësojmë se
pikërisht këtu qëndron shkaku i degradimit të gjendjes në arsim.
Në mandatin tim, ditarin në dorë do ta marrë ai mësimdhënës që
do t[i plotësojë kushtet e kërkuara dhe që do të jetë më meritori.

Ne kemi program të argumentuar. Nuk ju premtojmë atë që s’mund
të realizohet, por ju ofrojmë program të bazuar në kompetencat
dhe burimet financiare të qasshme për Komunën. Kemi propozuar
dhe do të propozojmë masa që janë të matshme dhe konkrete.
Me programin tim, me angazhimin tim, me vizionin tim dhe me
ekipin tim, qytetit të Tetovës do t’i ofrojmë dy parakushte esenciale
për zhvillimin e një vendi; e para, do t’ia kthejmë resurset financiare
tërësisht në funksion të rritjes së zhvillimit dhe të mirëqenies dhe e
dyta do t’ia kthejmë profesionistët dhe kuadrot më të mira që i ka
dhe që e duan Tetovën.
Ne do ta ndryshojmë në tërësi metodologjinë e planifikimit të
investimeve. Deri më sot ato janë bërë duke u bazuar në nevojat
elektorale, ndërsa ne planifikimin e investimeve do ta kthejmë
tërësisht të bazuar në nevojat zhvillimore. Pra, investime që
gjenerojnë dhe nxisin zhvillimin ekonomik, mirëqenien dhe
avancimin e shërbimeve. Jam pasionant i garës demokratike
dhe konkurrencës së vlerave. Kuptimi thelbësor i demokracisë
është përplasja e ideve dhe jo konfrontimi ndërmjet njerëzve. Pra,
unë jam në anën e kundërt të atyre problemeve me të cilat janë
përballur qytetarët, si fenomeni i korrupsionit, politizimi i plotë i
arsimit etj. Për shkak të kësaj gjendje alarmante, unë do ta kem
prioritet arsimin dhe nuk ka rrugë tjetër për ta rikthyer cilësinë
në arsim, përveç depolitizimit dhe instalimit të profesionalizmit.
Konkretisht do t’ju garantoj transparencë të plotë në procesin e
përzgjedhjes së kuadrove arsimore, ku përveç stafit profesional
të shkollave, brenda kornizave ligjore do të inkuadrojmë edhe
aktorë të jashtëm.

I juaji,
Bilall Kasami

PROGRAMI ZGJEDHOR 2017-2021
4 www.levizjabesa.mk