Page 6 - Programi 2017-2021

Ky vizion duhet të bazohet në disa elemente themelore:

a. Vlerësimi dhe interaksion me kapitalin njerëzor
b. Stimulimi i banorëve dhe popullatës

c. Involvimi i banorëve
d. Komunikimi i hapur
e. Transparenca dhe hapja e institucioneve ndaj banorëve

f. Mbështetja për komunitetin
g. Inovacioni

Një shoqëri vibrante, popullatë e shëndoshë dhe produktive,
që do të jetë bartëse e zhvillimit ekonomik dhe kapitali më i
rëndësishëm i qytetit, është zgjidhja e problemeve të Tetovës.
Është detyrë e pushtetit lokal që të krijojë kushte për të gjitha
këto. Në të njëjtën kohë, rehabilitimi dhe ngritja e institucioneve
komunale për shërbim efikas dhe mbrojtje të interesave të
qytetarëve duhet të jetë detyra primare, andaj dhe aty ku
pushteti qendror dështon, pushteti lokal duhet të intervenojë.

2. ÇKA ËSHTË SMART CITY DHE SA MUND TETOVA
TË PËRFITOJË NGA KY KONCEPT?
Smart City ose Qytet i Mençur është koncept relativisht i ri, që u
shfaq dy dekadat e fundit dhe, si i tillë, po merr përmasa më të
gjëra. Në kohën kur sipas OKB-së gjysma e popullatës botërore
jeton në qytete dhe 75% e popullatës në Evropë tashmë jeton
nëpër qytete, ky koncept është duke u bërë dita-ditës më shumë
nevojë sesa një luks.
Gjashtë komponentet e Qytetit të Mençur, të cilat do të jenë
udhërrëfyes i përkushtimit të Lëvizja Besa gjatë periudhës që do
të menaxhoj me qytetin e Tetovës janë:

a. Ekonomi e mençur (Smart Economy)
b. Njerëz të mençur (Smart People)
c. Udhëheqësi e mençur (Smart Governance)

d. Mobilitet i mençur (Smart Mobility)
e. Ambient i mençur (Smart Environment)
f. Jetë e mençur (Smart living)

PROGRAMI ZGJEDHOR 2017-2021
6 www.levizjabesa.mk