Page 8 - Programi 2017-2021

2. Kultura

Në qytetin e dy universiteteve me studentë gati nga gjithë viset
shqiptare deri tani ka sunduar një situatë e djerrë në kulturë dhe
aktivitete kulturore. Me politikën e deritanishme, me premtimet
boshe dhe aktivitetet e natyrës së shundit dhe kiçit, kultura e
begatshme tetovare është bastarduar edhe më shumë.

Angazhimi i administratës së re komunale do të jetë në ndërtimin
e bazës së shëndoshë kulturore, duke vënë standarde të larta
kulturore me përkrahjen e artistëve të dëshmuar. Rëndësi të
veçantë do t’i kushtohet edukimit kulturor të gjeneratave të
reja, nëpërmjet kultivimit të sensit artistik. Edukimi artistik është
krucial për ndërtimin e një shoqërie të shëndoshë dhe me
potencial kreativ.
Për t’ia rikthyer Tetovës imazhin e saj duhet bërë:

a. Ndërtimi i Kullës së Sahatit.
b. Ndërtimi i Urës së Kazazëve.
c. Restaurimi i Kalasë së qytetit.
d. Ndërtimi i një teatri të hapur për performansa artistike.

3. Rinia dhe sporti
Përkundër kushteve natyrore të jashtëzakonshme për zhvillimin
e sporteve alternative (si skijim, alpinizëm, marshim, çiklizëm
malor, etj.), Tetova ka ngecur në të gjitha sportet, kjo si pasojë e
politikave diskriminuese dhe mosgatishmërisë për ndërveprim të
koordinuar me organizatat rinore dhe sportive.
Fatkeqësisht, sot i riu tetovar dhe familja tetovare nuk ka
ASNJË alternativë për aktivitet sportiv. Mungojnë terrene
sportive, pishina, shtigje për vrapim dhe çiklizëm, guida për
alpinizëm, klube shahu etj. Andaj, krahas përkrahjes së ideve
alternative dhe inovative për zhvillimin e sportit në Tetovë, do
të angazhohemi për:
a. Ndërtimin e pishinës së mbyllur për nevojat e shkollave fillore
dhe të mesme.
b. Përkrahje të trajnerëve dhe sportistëve për pjesëmarrje në
gara.
c. Ndërtimin e fushave sportive multifunksionale për fshatrat e
malësisë së Sharrit.
d. Themelimin e një qendre rinore.
e. Shndërrimin e Banjës së Tetovës në një qendër rekreative-
sportive.
PROGRAMI ZGJEDHOR 2017-2021
8 www.levizjabesa.mk