Page 24 - Programa Tearce.cdr

VOTO Tearcën

URBANIZËM MODEL
Një nga pikat më të ndjeshme të çdo komune është edhe sektori i
urbanizmit. Në shumicën e komunave, keqmenaxhimi i këtij sektori ka sjellë në

krijimin e kaosit urbanistik, ndërtimeve pa rend, krijimin e të ashtuquajturave grupe
urbane e shumë probleme të tjera që nga viti në vit kanë vështirësuar jetën e
qytetarëve duke ndikuar në prishjen e imazhit të shumë komunave e sidomos të

atyre urbane.
Ne, angazhohemi për ta lënë këtë sektor në duar të profesionistëve, të atyre
që me vite kanë dëshmuar se kanë ide dhe vizion për t'i parë komunat tona sa më të
bukura dhe sa më të rregulluara në aspektin e urbanizmit.
Do të krijojmë hapësira jashtë pjesëve të populluara, për të lejuar ndërtime

të komplekseve banesore apo edhe të qendrave afariste, por duke lejuar hapësira të
mjaftueshme për të frymuar lirshëm, por edhe duke respektuar që çdo ndërtim së
paku 1/3 e hapsirës së vet ta ketë me pjesë të gjelbëruar dhe me zona rekreacioni si

për fëmijët, për pensionistët apo edhe për ata që kohën e lirë duan të kalojnë në
hapësira të zgjeruara dhe të gjelberta.
Nuk do të lejohen më ndërtimet pa leje dhe e gjithë politika urbane do të
fokusohet në zgjerimin e zonave urbane dhe jo duke i ngulfatur zonat ekzistuese.

www.levizjabesa.mk