Page 10 - Programi 2017-2021

Masat fillestare që do të merren nga administrata komunale janë:

a. Zgjidhja afatgjate e problemit të mbeturinave.
b. Përcjellja e rregullt e ndotësve të ambientit (ujit, ajrit dhe
zërit).
c. Vendosja e një ekrani LED në qendër të qytetit për shfaqjen e
rezultateve të cilësisë së ajrit në kohë reale.

d. Infrastruktura e gjelbër, rritja e përqindjes së hapësirave të
gjelbra.

e. Pastrimi dhe larja e bulevardeve, lagjeve dhe trotuareve.
f. Organizimi i aktiviteteve edukuese dhe sensibilizuese për
çështje ekologjike.

g. Subvencionimi i paneleve solare.

6. Llogaridhënia ndaj qytetarëve
Sipas hulumtimeve, rezulton se administrata e komunës
së Tetovës është institucioni me më pak transparencë dhe
përgjegjësi, ku qytetarët që kanë trokitur së paku një herë në
derën e saj kanë mbetur të zhgënjyer. Zhgënjimet e qytetarëve
janë të natyrave të ndryshme, si: mungesa e administratorëve
në vendin e punës, mospranimi dhe mohimi i përgjegjësisë për
punë të caktuara, vonesat e panevojshme etj.

Vizioni ynë është që me përkrahjen e të gjithëve, bashkërisht
ta ndërtojmë një administratë funksionale dhe në shërbim të
qytetarëve. Parim në punën e komunës do të jetë “komuna e
qytetarit dhe për qytetarin”, ku ata me sugjerimet, propozimet
dhe parashtrimin e ankesave në mënyrë të drejtpërdrejtë
do i ndihmojnë edhe qytetarit, i cili nuk ndjen detyrim në
parashtrimin e ankesave. Ne ndjejmë detyrim që administrata
komunale të bazohet në kërkesën e qytetarit dhe feedback-un e
qytetarit. Për këtë synojmë të arrijmë:

a. Administratë komunale në shërbim të qytetarëve me
transparencë të plotë.
b. Participim të qytetarëve në përpilimin e buxhetit të komunës
dhe mundësi kontrolli në realizimin e buxhetit.
c. Realizim të plotë të investimeve kapitale nga mjetet e
planifikuara nga buxheti.
d. Tabelë në qendër të qytetit ku të gjithë qytetarët do të mund
ta shohin nivelin e borxhit të komunës.

PROGRAMI ZGJEDHOR 2017-2021
10 www.levizjabesa.mk